Giffoni Expierience Days – ახალი კინოთაობის აღმზრდელი საქართველოს ესტუმრება.

SHARE
, / 2
Giffoni Expierience Days – ახალი კინოთაობის აღმზრდელი საქართველოს ესტუმრება.

ავტორი: ნიკოლოზ დვალიძე

უკვე 44–ედ იტალია Giffoni Expierience Days–ს და პირველად საქართველო ამავე პროექტის ერთდღიან ანალოგს უმასპინძლებს. ერთდღიანი მასშტაბური ღონისძიება თბილისში სექტემბერში გაიმართება. ფესტივალის ინციატორი კინემატოგრაფიის ეროვნული ცენტრი გახლავთ.

ფესტივალის მნიშვნელობას მისი სეგმენტი განსაზღვრავს – Giffoni–ს ჟიურის წევრები ბავშვები არიან. ყოველ წელს მსოფლიოს 54 ქვეყნიდან 3000-ზე მეტი მოზარდი, სხვადასხვა ნომინაციაში უყურებს ფილმებს, მსჯელობს, განიხილავს და გამოავლენს საუკეთესოს; ჯიფონიში ჩასულ სტუმრებს მასპინძლობენ მათი ადგილობრივი თანატოლების ოჯახები. ჟიურის წევრებს აქვთ უნიკალური შესაძლებლობა პირადად შეხვდნენ კინოვარსკვლავებს და დაესწრონ მსოფლიო პრემიერებს.

„2014 წლის ივლისში, ფესტივალზე საქართველოდან 7 მოსწავლე, 2 სტუდენტი და კინოცენტრის წარმომადგენლები მიემგზავრებიან, ხოლო უკვე სექტემბერში ჯიფონის ერთდღიანი ანალოგი თბილისში გაიმართება.“,–აცხადებს GNFC-ის დირექტორი ნანა ჯანელიძე.

2015 წელს საქართველოში იგეგმება ხუთდღიანი საბავშვო საერთაშორისო კინო ფესტივალის ჩატარება.
წელს, სექტემბერში ფესტივალს 280 ბავშვი უნდა დაესწროს. აუცილებელი მოთხოვნა დისკუსიებისა და კომუნიკაციებისთვის ელემენტარულ დონეზე ინგლისურის ცოდნა და კინოს სფეროს მიმართ ინტერესის არსებობაა. საქართველოს ხუთ სხვადასხვა რეგიონების სკოლებში უკვე გაიმართა მსოფლიო კლასიკის კინოს შედევრების ჩვენება, რომელიც 5 000–მდე ბავშვმა ნახა.

„სულ იქნება ორი ასაკობრივი კატეგორია: 13–დან 16 წლამდე და 16–დან 18 წლამდე ასაკის სკოლის მოწაფეებისთვის. რაც შეეხება რეგისტრაციას, ის შეგიძლიათ gnfc.ge-ზე გაიაროთ: Giffoni–ს ლოგოზე დაკლიკებით გადახვიდეთ სპეციალურ ანკეტაზე და შეავსოთ“,–აცხადებს ფესტივალის პროექტის მენეჯერი.

Giffoni Expierience Days–ის ერთდღიანი ანალოგის VIP სტუმრების სია ჯერ–ჯერობით უცნობია, ისე კი, ყოველწლიურად ჯიფონს სტურმობენ მსოფლიო დონის ვარსკვლავები: რობერტ დე ნირო, მერილ სტრიპი, ნიკოლას ქეიჯი, ჟან რენო და სხვები.