GOT: წლის ყველაზე შთამბეჭდავი სცენა კიტ ჰარინგტონის იდეა იყო!

SHARE
GOT: წლის ყველაზე შთამბეჭდავი სცენა კიტ ჰარინგტონის იდეა იყო!

სამეფო კარის თამაშების მეექვზე სეზონის ფინალური სცენა ისეთი დახვეწილი და თვალისმომჭრელი გამოვიდა, რომ წლის ყველაზე შთამბეჭდავ ეპიზოდად იქცა. ბოლოს წინა სერიის “ბასტარდების ომის” სცენა გულშემატკივრებისთვის უდიდესი ვიზუალური შთაბეჭდილება აღმოჩნდა. The Hollywood Reporter-თან ახალ ინტერვიუში კიტ ჰარინგტონი სწორედ ამ ეპიზოდზე საუბრობს, რომელმაც შესაძლოა მას პირველი ემი მოუტანოს. ჰარინგტონს შეუძლია იამაყოს, მაგრამ არა მხოლოდ ჯონ სნოუს როლის შთამბეჭდავი შესრულებით, არამედ თავისი იდეითაც. როგორც თავად მსახიობმა თქვა, სცენა, რომელშიც ჯონ სნოუ მკვდარი სხეულების ზღვიდან ამოდის, მისი იდეა იყო. სწორედ ფილმის რეჟისორმა მიგელ საპოჩნიკმა და თავად მსახიობმა შექმნეს ეს დაუვიწყარი სცენა.

“მე და მიგელი ვლაპარაკობდით იმაზე, თუ რა არის ჩემი ყველაზე დიდი შიში. და ჩემი ყველაზე დიდი შიში აღმოჩნდა ადამიანების ჭყლეტა – ეს საშინელი ამბები, რომელიც გვესმის სტადიონებიდან, სადაც ადამიანები ბუკვალურად განწირულები არიან სიკვდილისთვის, რადგან მათ არ შეუძლიათ პანიკაში ჩავარდნილი ადამიანების ჭყლეტიდან თავის დაღწევა. მე ვიფიქრე, იქნებ ჩვენ გაგკვეკეთებინა ისეთი რამ ამ შემთხვევაშიც, რაც ნამდვილად შეაშინებდა მნახველს”, -ამბობს მსახიობი.

ჰარინგტონი და საპოჩნიკი მართლები აღმოჩნდნენ და ადამიანის სხეულების მასობრივი ჭყლეტვა ჯონ სნოუს გარშემო ნამდვილად შემაშფოთებელი და შთამბეჭდავი მომენტი აღმოჩნდა.

წყარო: The Hollywood Reporter

უყურეთ ახლა:  სამეფო კარის თამაშები (მეექვსე სეზონი, მე-9 ეპიზოდი)

მსგავსი პოსტები: